رواية بقلم نشوي عادل

انا اسف يا عمرو طلبك مرفوض ومعنديش بنات للجواز
عمرو ليه يا عم وفيق بتقفل الباب فى وشى للمرة العاشرة انا شارى رحمة بحبها بجد ليه عاوز تبعدنى عنها !
انا بعمل كده عشانك انت افهم بقى
عمرو افهم ! افهم ايه!
وفيق بحزن وعيون مدمعة لان رحمة عندها سړطان فى الډم وفى المرحلة الاخيرة والدكاترة فاقدين الامل وقالولى بنتك بتقضيها ايام
عمرو بثبات انا عارف يا عمى
وفيق بدهشة عارف ! عارف ازاى ومن امتى!
عمرو من رحمة هى اللى قالتلى وكانت مفكرة انى بكده هبعد عنها واسيبها بس انا مصمم ع قرارى وهتجوز رحمة
وفيق يا ابنى انت بتشفق ع بنتى مش كده!

عمرو بشفق عليها! يا عم وفيق انا بحب بنتك من وهى بضفرتين وكنت باخدها ونروح المدرسة مع بعض سنة ورا سنة تكبر وحبى معاها يكبر كل موقف عدى علينا بحلوه ومره اكبر من اى وصف تيجى حضرتك فى الاخر وتقولى اشفاق
وفيقطب انت عاوز ايه دلوقتى !
عمرو تحط ايدك بايدى ونقرأ الفاتحة واخر الاسبوع نكتب الكتاب واخر الاسبوع اللى بعده نعمل الفرح قولت ايه
وفيق ايوة يا ابنى بس بنتى لسه مش جاهزة عشان .....
قاطعه عمرو وانا عاوزها بشنطة هدومها وخد عليا كل الورق اللى يضمنلك حقها وعندى استعداد امضيلك ع قايمة بمليون جنيه انا شارى يا عمى والله قولت ايه!
وفيق قولت لا اله الا الله اللى تشوفه بس اهلك عارفين بالكلام ده
عمرو ايوة عارفين ومرحبين كمان والمرة الجاية هيكونوا معايا نقرأ الفاتحة بقى
ابتسم وفيق وهو بيحط ايده فى ايد عمرو وقال بسم الله الرحمن الرحيم
يمر الاسبوع بسرعة وبالفعل يتم كتب الكتاب وسط فرحة عمرو ورحمة واخيرا حلمهم بيتحقق
رحمة بفرحة انا مش مصدقة نفسى يا عمرو هو انا بجد بقيت مراتك يعنى انت جوزى وهلبس فستان ابيض وابقى عروسة
عمرو هتبقى اجمل وارق عروسة واحن واحلى ام وزوجة كمان يا حبيبى
رحمة بدموع انا مش خاېفة من المۏت والله بس نفسى اشوف نفسى عروسة يا عمرو
عمرو وهو يحتضنها هتعيشى يا نور عينى ان شاء الله هتعيشى وهتبقى ام وهتحققى كل اللى بتتمنيه وانا معاكى وجنبك وهيجى اليوم اللى نكبر ونعجز فيه وافكرك بكل الكلام ده
شددت رحمة من حضنه يارب يا روحى بس هو انت ممكن تكرهنى عشان يعنى شعرى وقع بسبب الكيماوى
عمرو رفع الكاب اللى لابسه واتفاجئت انه حلق راسه وقال انتى قبلتنى كده وانا متقبلك كده
فى ليلة الفرح وبعد ما رحمة لبست الفستان الابيض كانت فى الكوافير وبتستعد عشان تحط الميك اب لكنها استأذنت تصلى قبل ما تحط الميك اب وبالفعل اعطتها الكوافيرة المصلية واخبرتها باتجاه القبلة وتركتها وحدها وخرجت فتأخرت رحمة كثيرا دخلت عليها الكوافيرة لتصدم عند رؤيتها لرحمة واقعة ع المصلية وېنزف انفها پالدم وقاطعة النفس فصړخت بعلو صوتها لتدخل ريماس اخت رحمة وتصدم مسكت فونها ورنت ع عمرو الحقنى يا عمرو بسرعة رحمة واقعة فى الارض وقاطعة النفس
عمرو حس بنغزة فى قلبه وصړخ وقال مستنية ايه اتصلى بالاسعاف بسرعة
بالفعل جاءت الاسعاف واخذت رحمة الى المستشفى وعندما وصل عمرو الى هناك سمع صوت صرخات ريماس ووالدة رحمة ووالدها يجلس ع كرسى ويبكى بحړقة اقترب عمرو من وفيق اللى قال شد حيلك يا ابنى رحمة راحت عند اللى خلقها وووووو.....
شد حيلك يا ابنى رحمة راحت عند اللى خلقها خلاص يا عمرو حبيبتك ماټت
كنت بسمع كلام عم وفيق وانا مش مصدق معقول رحمة ماټت وسابتنى وامتى يوم فرحنا دى كانت لسه بتكلمنى من شويه وفرحانة اوى
رحمة بعد ما دخلت عشان تصلى مسكت فونها ورنت ع عمرو الو حبيبى شكلى حلو اوى بالفستان الابيض يا عمرو ربنا مكسرش بخاطرى وشوفت نفسى عروسة
عمرو بحب واثق يا عيونى من غير ما اشوفك انك هتبقى اجمل عروسة بصى انا عند الحلاق هخلص والبس واجيلك طيران اخطفك ع الفرسة البيضا
رحمة ربنا يجبر بخاطرك زى ما فرحتنى يا عمرو انا هروح اصلى ركعتين سلام
عمرو لنفسه يعنى بدل ما كنت جاى اخدك عروسة من الكوافير اجى المستشفى عشان يقولولى انك موتى وسيبتينى خلاص يا رحمة
كان ماشى بخطوات ثابتة باتجاه الغرفة اللى فيها چثة رحمة دخل وشافها نايمة بالفستان وع وشها نور وابتسامة معقول تكون فعلا مېتة كانت اجمل مرة يشوفها فيها قرب عليها وحضنها واطلق السراح لعيونه عشان تبكى وبأعلى صوت صړخ ررررررررررحمة متسبنيييييييييش
دخل الدكتور وبعده عنها بالقوة وبعد ما خلصت اجراءات الډفن طلعت ع المقاپر عشان يدفونها وبعد الډفن ما انتهى والكل ادى واجب العزاء متبقاش غير عمرو اللى قاعد عند القپر يبكى بحړقة ويدعيلها بالرحمة ..... تعدى ست شهور من يوم الۏفاة واتبدل عمرو من الشاب المقبل ع الحياة الناجح فى شغله الاجتماعى لواحد بهتت ملامحه من كتر الحزن جسمه نحف ومبقاش يشتغل كان اهله بيموتوا جنبه بالبطئ وفى يوم كانت مروة اخت عمرو قاعدة مع واحدة صاحبتها اسمها غدير
غدير فى ايه يا بنتى وشك مخطۏف ومتغيرة !
مروة بحزن ھموت بسبب عمرو يا غدير انتى مشوفتيش شكله بقى عامل ازاى من يوم ۏفاة رحمة ساب شغله وانعزل وكل يوم يروح عند قپرها من الصبح ميرجعش الا العشا مبيتكلمش مع حد حتى اصحابه بعد عنهم وكان محوش فلوس بالبنك مبلغ كبير كان ناوى بعد الجواز يعمل عملية لرحمة سحبه كله ووزعه ع الغلابة
غدير بحزن ع حالته لا حول ولا قوة الا بالله طب ليه مسفرتهوش يعمل عمرة يمكن ربنا يفك كربه
مروة فعلا سافر هو وبابا وماما وعمو وفيق ابو رحمة وبرضه يبقى الحال ع ما هو عليه
غدير طب ليه معرضتهوش ع دكتور نفسى يمكن يكون عنده الحل!
مروة دكتور نفسى! هو انا اخويا مچنون عشان يروح لدكتور بتاع مجانين
غدير انى عبيطة يا بنتى اومال لو مكنتيش متعلمة كنتى هتقولى ايه وبعدين هو هيروح عيادة مش مصحة او مستشفى فهمتى
مروة طب انا معرفش دكاترة وكمان ازاى هقنعه يروح!
غدير خلينا بس الاول نلاقى دكتور ونعرض عليه الحالة وبعدين نشوف طريقة نقنع عمرو بيها انه يروح للدكتور
بالفعل عرضت مروة الفكرة ع ابوها وامها ووافقوا وبدأت تعمل سيرش عن افضل دكتور نفسى لحد ما لقت غدير بترن عليها الو يا بنتى كنتى لقيتى دكتور ولا لا!
مروة لا لسه
غدير طيب اتا لقيت دكتور كويس اوى والناس كلها بتشكر فيه هو شاب بس متمكن من شغله
مروة طب قوليلى العنوان بسرعة
غدير البسى وانا هعدى عليكى نروحله مع بعض انا اخدت ميعاد
مروة ربنا يديمك ليا يا احلى اخت وصاحبة فى الدنيا
قامت مروة لبست وانتظرت غدير اللى وصلت بعد وقت قصير ووصلوا ع العيادة ودخلوا ع دكتور تلاتيتى يدعى على ابتسم ببشاشة وقال اهلا وسهلا اتفضلوا
مروة وغدير شكرا لحضرتك
على خير ان شاء الله مين فيكم الاول الحالة!
مروة الحقيقة يا دكتور هو مش حد فينا هو اخويا ...بدأت مروة تحكى للطبيب عن كل شئ وهو تبكى وانهت حديثها نفسى اخويا يرجع لحياته تانى يا
دكتور نفسى اشوفه كويس
على مطمئنا لها متقلقيش يا انسة مروة ان شاء الله هيكون بخير بس هو ليه مجاش!
مروة بصراحة هو ميعرفش ان انا هنا ومش عارفة اقنعه ازاى يجى لحضرتك
على بسيطة مش لازم يجيلى انا اللى هروح ليه
مروة وغدير مع بعض بجد طب ازاى !
على انا هعرف نفسى لاخوكى بدون ما اقوله انى دكتور نفسى وهحاول افتح معاه كلام لحد ما يطمن ليا لكن المشكلة ان فيه بعض الادوية لازم ياخدها هتساعدنى كتير فى العلاج ودى بقى مهمتك يا انسة مروة
مروة ازاى!
على تحطيله الدوا او الحبوب فى كوباية عصير مثلا وتجبريه يشربها
مروة تمام بسيطة
غدير طب حضرتك هتقابله ازاى وفين !
على فى المقاپر وووووووو...........................
هقابله فى المقاپر المكان اللى هو متعود دايما يكون فيه وهخليه هو اللى يكلمنى عشان مبقاش مكشوف ادامه
مروة طب ازاى!
على ازاى دى بتاعتى فسيبها لله وعليا واللى فيه الخير يقدمه ربنا
خرجت مروة وغدير من عند الطبيب فتساءلت مروة تفتكرى هيقدر يعمل حاجة!
غدير الله اعلى واعلم ادينا بنحاول
فى اليوم التالى كعادة عمرو ذهب الى المډفن الخاص برحمة وجلس يرتل بعض القرآن وفجأة سمع صوت بكاء شديد بكاء يبكى الحجر فاندهش وعلم ان الصوت يأتى من المډفن الخلفى وعندما ذهب وجد شاب يجلس ويبكى بحړقة اقترب منه واعطاه مناديل وعندما رأه الشاب هدأ قليلا واخذ المناديل ثم اعطاه عمرو زجاجة ماء فأخذها ايضا
عمرو احسن دلوقتى!
الشاب الحمدلله
نظر عمرو للمډفن ووجد انه لم يفتح جديد بل كانت اخر سنة للډفن عام ٢٠١٥ ومكتوب فقيدة الشباب رقية احمد
عمرو انا اسف ع سؤالى بس انا اول مرة اشوفك هنا !
نظر له الشاب بالعكس انا باجى هنا ع طول وبشوفك دايما
عمرو طيب ليه بټعيط بالشكل ده !
الشاب القپر ده بتاع مراتى اقصد اللى كانت هتبقى مراتى
عمرو باندهاش مش فاهم
تنهد الشاب قليلا وقال انا ورقية كنا بنحب بعض من الكلية وقررت ادخل البيت من بابه واتفقنا ع كل حاجة وتخيل انها يوم ما ټموت ټموت يوم فرحنا
عمرو وقد دمعت عيناه هى كانت مريضة !
الشاب ياريت كنت عرفت ان المړض ان ربنا كتبه لها هو اللى اخدها منى بس الحقيقة ان العربية اللى اخدتنا من الكوافير للقاعة اتقلبت وعملت حاډثة انا حصلى كسور وكدمات لكن هى جالها ڼزيف بالمخ وماټت
عمرو ربنا يرحمها ويصبرك انت ... انت متجوزتش بعدها !
الشاب اتجوزت ومعايا ولد وبنت
عمرو طب انت كده مظلمتش مراتك انك تتجوزها وقلبك مع غيرها
الشاب مين قال انى مبحبش مراتى انا بعشقها هى العوض والطبطة من ربنا لقلبى ورزقنى منها بأجمل هديتين ولادى طبعا بس خطيبتى بحب اجى ازورها ومراتى عارفة بكده
عمرو ربنا يوفقك لكن مقولتليش انت اسمك ايه!
الشاب اسمى على
عمرو اتشرفت بمعرفتك وانا عمرو
على انا اكتر يا استاذ عمرو انا اسف فى السؤال يعنى انت بتيجى هنا لمين !
سكت عمرو واتنهد الوقت اتأخر مرة تانية احكيلك
على اعتبر ده وعد!
ابتسم عمرو وعد
انصرف على واتجه عمرو لمډفن رحمة وهو يفكر بها اما على امسك هاتفه وتحدث مع مروة واخبرها ان عمرو تحدث معه ولكن قليلا وانه سيتحدث اليه فى اقرب وقت ثم اغلق واتجه الى عيادته ليتفاجئ بشاب مڼهار ويقول من فضلك يا دكتور لازم اتكلم مع حضرتك ضرورى
على طيب اهدى اتفضل معايا ع الاوضة وانت يا عم صالح هات ليمون للاستاذ
دخلوا الى غرفة الكشف وقال اسم حضرتك !
الشاب اسمى هانى وجاى لحضرتك بخصوص اختى
على باهتمام خير مالها !
هانى
كانت مخطوبة