انت عاوز تخلف منى

اتحركتو هيختلف الوضع فنصيحه اهربوا وسيبوا حاجتكم قبل

ما يهجم عليكم

واحده من الشباب لا اكيد انت بتخوفنا بس احنا بقالنا نص ساعه وهو متحركش من مكانه

واحده تانيه بس هو عنده حق لازم نمشي ونشوف مكان امان

ادم اهربوا قبل ما يهاجمكم 

البنت شكله عجوز ومش بيتحرك

قامت البنت وقفت ومسكت مفرش وبدأت تحركها في وش الثور زي بتوع مصارعه الثيران

خرجت راندا من العربيه وبتتفرج علي اللي بيحصل وفجأه شافت الثور بيتحرك ناحيه البنت بسرعه

كبيره جدا وقرونه كانت بتلمع وبتهدد اللي هيقف في طريقها وفي نفس اللحظه 

شافت ادم بينط من علي السور وشد المفرش من ايد البنت وصړخ فيهم اجروا بسرعه

راقبت راندا ادم وهو بيحاول يشد انتباه الثور بعيد عن الشباب لحد ما يهربوا

وسألت نفسها ازاي هيخرج سليم من عنده هنا مفيش حواجز الامان اللي في الحلبه

كان حجم الثور ضعف الثور اللي صارعه ادم في الحلبه حبست راندا نفسها وهيا بتشوف راس الثور

هتخبط ادم في صدره بس ادم تفاداها علي اخر لحظه ورمي المفرش علي وش الثور ونط من علي السور

بان الخۏف علي الشباب الاربعه 

الشباب احنا متشكرين جدا احنا متخيلناش انه في خطړ علينا

البنت باعجاب كنت هايل هو انت مصارع

تجاهل ادم السؤال 

ادم لما تتعامل مع حيوان متفترضش

البنت طب حا جتنا هنجبها ازاي

الشاب لو عايزه تروحي تجيبيها مش همنعك الحمد لله ان احنا خرجنا اصلا

سابهم ادم وراح ناحيه عربيته

وراندا مصدومه مقدرتش تنطق ودخلت العربيه بهدوء

واخيرا نطقت

راندا اكيد صاحب المزرعه لما يشوف حاجات الشباب دي هيترعب

ادم بس هيترعب اكتر لو كان شاف جمبهم اربع چثث وهيفرح ان اصحاب الحاجات دي هربوا

لانها مش اول مره حد من السياح يغلط في اختيار المكان اللي يقعد فيه

راندا في اراضي كتيره من غير سور يقعدوا في اي مكان منها

ادم في عقليات بتحب التحدي .بس اكيد بعد كده هيفكروا الف مره قبل ما يختاروا المكان

وسكت بعد كده وفضلت راندا كل شويه تبصله وحست بعضلا ت فكه متوتره زي ما يكون مټألم

ياتري هو لحق يشتاق لسالي بالسرعه دي 

فكرت راندا

راندا كنت شجاع جدا . الثور ده اشرس بكتير من بتاع امبارح صح

ادم ده لانه اكبر سنا وعلشان كده اسرع فكان لازم اتصرف بسرعه لانه مكنش في وقت للخوف

راندا بس انت متعرفش يعني ايه خوف

ادم لاني بحب امتحن نفسي بحاجات ما تفهميهاش.. انت فضلت انك تشوفي الموضوع ده استعراض امبارح..صح

راندا لو يهمك تعرف ايوه انا شايفاه استعراض .كان ممكن ټموت

ادم وهتكسبي ايه لو انا مت ده اللي كان قالقك

راندا لا لا ما يهمنيش ابدا اني اكون ارمله. انا مش عايزه اي حاجه منك

ادم موقف مش عقلاني بس متوقع منك . كبرياؤك مش في محله يا حبيتي 

حبيبتي اول مره يقولها ادم بس اكيد مش قصده معني الكلمه

راندا كبريائي ووقفت فجأه لما شافت علامات الالم علي وشه تاني وسألته

راندا ادم انت اتصبت

ادم

ده ولا حاجه مجرد خدش

بصتله كويس ولقت قميصه مقطوع والدم بدأ يظهركان صدره من ناحيه الباب علشان كده ملاحظتهاش من الاول

راندا ده اكتر من خدش ليه مقلتليش

ادم لما نوصل هتصل بالدكتور يجي يشوفه 

راندا بالطريقه اللي پتنزف بيها مينفعش نستني لحد ما نوصل 

خلعت راندا جاكته بدلتها وضغطت بيها علي صدره وقالتله

راندا اقرب بلد هنقف فيها ونشوف دكتور

ادم انت مكبره الموضوع

راندا ماشي سيبني ادخل مره واحده واسمع كلامي نطمن عند الكتور ونمشي

ادم ماشي طالما انتي مصممه

راندا سيبني اسوق انا وانت اضغط علي الچرح كويس

اتألم ادم لما حاول يتحرك وصدره ڼزف اكتر مع كل حركه

راندا ما قالتش لادم انها يدوب تعرف تسوق لانها اخدت الرخصه قبل ما تسافر بكام يوم

بدلو اماكنهم واتشبعت جاكيته راندا پالدم كلها فتحت راندا شنطتها وخرجت روب بتاعها كانت بتلبسه فوق المايوه لما تنزل حمام السباحه واديته لادم بدل الجاكته

ادم اسف علي الجاكته بتاعتك

رانداك هخليك تشتريلي غيرها متقلقش قالتها بضحك علشان تخفف عنه

قعدت راندا علشان تسوق وبتدعي ربها انها تعرف تتعامل مع عربيته لانها كانت احدث موديل غير اللي اتدربت عليه

كانت اول كيلو مشيتها من اسوأ ما يكون وشويه وبدأت تسوق عدل شويه كانت اول بلد علي بعد حوالي نصف ساعه

بصت لادم لقته سند راسه علي الكرسي ومغمض عنيه ووشه كله عرق

وفضلت تدعي ارجوك اوعي ټموت ارجوك 

واخيرا وصلوا البلد وفضلت تدور علي اي عياده لانه كان يوم احد وعندهم اجازه فالبلد كانت هاديه

اخيرا لقوا دكتور ونزلوا عنده . كان قميص ادم كله غرقان ډم وحتي الروب اللي هيا ادتهوله

نام ادم علي السرير وبدأ الدكتور يفحصه واستغربت راندا من تحمل ادم لانه كان طول الچرح اكتر من 6 سنتيمتر

وكان پينزف مع كل نفس ادم بياخده

يا تري ايه اللي هيحصل بعد كده

ادم ھيموت ولا هيكمل مع راندا

انتو ايه رأيكم 

اټصاب ادم في صدره لما واجه الثور واخدته راندا علي اقرب دكتور وهيا بتدعي انه ما يموتش 

ولاحظت كبر حجم الچرح بتاعه ووقفت بعيد في اخر اوضه الكشف بص الدكتور عليها وطلب منها تقرب

الدكتور اضغطي هنا بايدك لحد ما اجيب الادوات اللازمه

وش ادم كان شاحب تماما بس لسه قادريتكلم اول ما حس برعشه ايديها قال

ادم ما تخافيش مني لاني مش هقدر اعمل اي حاجه هنا

راندا اسكت دلوقتي مش وقته اللي انت بتقوله

رجع الدكتور شايل حاجه زي صينيه عليها ادوات كتير وشال ايد راندا وبدأ يعالج الچرح وهيا وقفت بعيد

الدكتورانت كنت فين لما كنت بټصارع الثور ده

راندا وعرفت منين انه چرح من ثور

ابتسم الدكتور لاني شفت چروح كتيره زي دي. جوزك محظوظ لانه خرج بحياته

ادم انا مش محترف ده كان حاډثه

سكت وغمض عنيه كأن الكلام بيتعبه وساب راندا تشرح للدكتور عن الحاډثه

الدكتور كان لازم تسيبهم يواجهوا نتيجه تصرفاتهم الطايشه

واخيرا عمل اخر غرزه وقال

الدكتور ده كل اللي اقدر اعمله بس لازم نحتاط علشان الچرح ميفتحش تاني

حاول ادم يقوم بس مقردش

الدكتور انت ڼزفت كتير ولازملك نقل ډم

راندا وتقدر تنقله ډم هناسألت راندا

الدكتور عندي الجهاز بس معنديش الډم نفسه وسأل ادم

الدكتور انت تعرف فصيله دمك ايه

رد ادم وهو بيقاوم علشان ميغماش عليه

ادم A سلبي

الدكتور دي فئه نادره ممكن متلاقيهاش هنا . انت لازم تتحول للمستشفي الرئيسي

راندا مكانتش قادره تتكلم ولا تتحرك بس اخيرا نطقت

راندا انا كمان A سلبي

بص الدكتور وادم لبعض والدكتور اتكلم

الدكتور انت متأكده

راندا ايوم متأكده مكنتش مصدقه الصدفه دي وافتكرت اول يوم اتعشوا مع بعض لما ادم قالها تتطابق نادر

راندا عملت تحاليل قريب جدا اثبتت ان دمي سليم تماما .ايه رأيك تنقله الډم علي طول

الدكتور معنديش مشكله

كانت نظرات ادم متركزه علي راندا بس كانت غامضه

ادم انت مش مضطره تعملي كده

راندا ده ضروري

وقعدت علي كرسي جنبه وبدأت تراقب الډم اللي خارج منها وداخل لادم وحست باحساس غير عادي

حست كأن جزء منها بيتسحب ويروح لادم

ادم انا مديونلك بكتير يا راندا ولولا انك اصريتي ان احنا نيجي هنا مكنتش عارف ايه ممكن يحصل

اخر