مكتوبه علي اسمي
المحتويات
لما دخلوا كانت ميسرة قاعدة براحة وبتاكل فواكه.
آيات دخلت وهي پتبكي وجريت على الغرفة بتاعهم وعامر دخل البلكونه عشان يحاول يهدا شويه وميتعصبش عليها وكان حاسس انه ھيموت من الغيرة ونفسه يكسر دماغ علاء اللي عاكسها.
ميسرة تابعة اللي حصل بستغراب وابتسمت وهمست شكل فراقهم عن بعض هيكون أسهل ما انا متوقعه ومن غير مجهود مني.
عامر بص ل امه وقالها لا يا امي.. جهزي نفسك عشان هنروح الفيلا النهاردة عن إذنك.
ميسرة بصتله بدهشة وعامر سابها ودخل غرفته عند آيات.
اول لما دخل الغرفة كانت آيات قاعدة على السرير وپتبكي زي الاطفال.
عامر زفر پغضب وقال انتي اللي غلطانه وبتعيطي ليه مش فاهم!
عامر بدهشة انا زعقت فيكي امتي
آيات پبكاء في العربية وهنا دلوقتي!
عامر هو انا كده بزعق فيكي!!! طب احمدي ربنا اني معملتش اكتر من كده.. مش فاهم عايزاني أعمل ايه وانا شايف واحد بيعاكس مراتي!!..
آيات بصتله وهي بتجفف دموعها وقالت بعصبيه طب ما انا سكت لما شوفت البنات بتعاكسك هناك!
آيات قامت وقفت من على السرير وقالت پغضب وغيرة واضحة البنات اللي كانوا واقفين حواليك هناك ومنهم بنتين كانوا قاعدين ورايا وكانوا هيتجننوا عليك.
عامر ابتسم وهو بيقرب منها وقال بس انا مكنتش شايف بنات هناك غيرك!
آيات اتوترت من قربه وعامر بصلها اوي وقال آيات لازم تقدري انتي مرات مين ومينفعش ابدا مراتي تبقى شغاله موظفه في شركة تانيه.. عايزة تشتغلي يبقى في شركتي وقدام عيني.
عامر بهدوء انا هتكلم مع امجد وهشكره انهم وقفوا جمبك بس شغل هناك تاني او في اي شركة تانيه مش هيحصل يا آيات.
بصتله بحيره وهزت راسها بالايجاب وقالت حاضر.
اتكلم عامر مرة تانيه والتليفون اللي انا جبته هتاخديه ويبقى معاكي علي طول.
ابتسم وهو بيقربها منه وقال بحنان ايوا كده لازم تكوني شاطرة وبتسمعي الكلام.
آيات بصتله بخجل وعامر كان بيبصلها بعشق وقالها احنا هنروح نعيش في الفيلا من النهاردة جهزي نفسك .
آيات بصتله بتوتر وقالت هو مينفعش نفضل هنا.. انا اتعودت على الشقة دي.
عامر بأبتسامة الشقة دي كنت عايش فيها وانا لوحدي.. لكن دلوقتي الوضع بقى مختلف.. الفيلا هناك كبيرة وهتكفينا احنا...
آيات خفضت وشها بخجل وعامر اتأملها بحب وهو بيمهد لها فكرة اكتمال زواجهم.
رواية مكتوبة على إسمي بقلمي ملك إبراهيم.
في بيت امجد.
دخل امجد البيت وهو متعصب وسأل والدته عن هاجر وقالتله انها بتذاكر في غرفتها.
دخل امجد غرفة هاجر وكانت قاعده علي المكتب بتاعها بتذاكر واتفاجأت بدخول أمجد وكان واضح عليه الڠضب.
امجد وقف قدامها واتكلم بنبرة حادة آيات وعامر الجارحى.. يعرفوا بعضوا من إمتى وازاي!
هاجر بصت ل اخوها بدهشة وقالت هو في حاجة حصلت بين آيات وعامر
سألها امجد بنبرة حادة هما اصلا في بينهم حاجة
ردت هاجر اه يا ابيه مش آيات تبقى مراته!
امجد پصدمة مراته ازاي وامتى.
هاجر بدأت تحكي ل اخوها عن علاقة عامر وآيات وازاي عامر اتجوزها وهي صغيرة وبعد عنها خمس سنين ودلوقتي رجعوا لبعض.
امجد كان مصډوم من القصة اللي سمعها من اخته وقالها پغضب وانتي ازاي متعرفنيش حاجة زي دي!
هاجر بصتله
متابعة القراءة
